მოსკოვის გამზირზე და მტკვრის მარჯვენა სანაპიროზე მოძრაობა შეფერხებულია
მოსკოვის გამზირზე, ვარკეთილის ხიდებამდე ძლიერი საცობია. გზის აღნიშნული მონაკვეთის გავლას ავტომობილები მინიმუმ 30-40 წუთს ანდომებენ. მძღოლების ინფორმაციით, საცობი კახეთის გზატკეცილზე ხიდის სარეკონსტრუქციო სამუშაოებმა გამოიწვია.
მოსკოვის გამზირიდან დაკეტილია ვარკეთილის ასასვლელიც, რაც ავტომობილებს დამატებით სირთულეს უქმნის.
საცობია ასევე ორთაჭალის ჰესიდან იუსტიციის სახლამდეც, რაც სავარაუდოდ, გადატვირთულ მოძრაობას და რუსთაველის გამზირის ნაწილობრივ გადაკეტვას უკავშირდება.