დაცულ ტერიტორიებზე ვიზიტორთა რაოდენობა გაიზარდა

2018 წლის იანვარ-მაისის მონაცემებით, საქართველოს დაცულ ტერიტორიებზე ვიზიტორთა რაოდენობა წინა წლის ანალოგიურ პერიოდთან შედარებით, 24%-ით გაიზარდა და 195 617 შეადგინა.

დაცული ტერიტორიების სააგენტოს სტატისტიკის მიხედვით, ვიზიტორების 55% ქართველია, ხოლო 45% - უცხოელი. ქართველი ვიზიტორების რაოდენობა გაზრდილია 14%-ით, ხოლო უცხოელი ვიზიტორების რაოდენობა 38%-ით.

საერთაშორისო ვიზიტორებიდან დაცულ ტერიტორიებს ყველაზე მეტი ვიზიტორი ესტუმრა გერმანიიდან, პოლონეთიდან, ემირატებიდან, ისრაელიდან და რუსეთიდან.

ტოპ 5 ყველაზე მონახულებადი დაცული ტერიტორიაა:

• პრომეთეს მღვიმე

• თბილისის ეროვნული პარკი

• ყაზბეგის ეროვნული პარკი

• მარტვილის კანიონი

• სათაფლია

5 თვის განმავლობაში ყველაზე მეტად გაიზარდა ვიზიტორების რაოდენობა შემდეგ დაცულ ტერიტორიებზე:

• მაჭახელას ეროვნული პარკი

• თბილისის ეროვნული პარკი

• მტირალას ეროვნული პარკი

• ჯავახეთის დაცული ტერიტორიები

• მარტვილის კანიონი