2017 წელს საქართველოში 73 ერთეული სამაცივრე მეურნეობა ფუნქციონირებდა

სტატისტიკის ეროვნული სამსახურის ინფორმაციით, 2017 წელს საქართველოში 73 ერთეული სამაცივრე მეურნეობა ფუნქციონირებდა.ოფიციალური სტატისტიკით, წინა წელს მაცივრებში შენახული იყო 282 ათას 500 ტონა პროდუქცია, რომლის 65%-ს ქათმის ხორცი, 13,7%-ს კი ხორცი და ხორცპროდუქტები წარმოადგენდა, 8,4% - თევზზე, 1,9% - რძის პროდუქტებზე, 4,3% - ხილსა და ხილბოსტნეულზე, ხოლო 6,6% - დანარჩენ პროდუქციაზე მოდიოდა.

ამასთან, „საქსტატის“ ცნობით, 2017 წლის განმავლობაში სამაცივრე მეურნეობების მიერ გაყიდულია 101 მილიონ ლარის ღირებულების პროდუქცია, საიდანაც ღირებულებით გამოსახულებაში შედარებით დიდი ნაწილი - 56,3% ადგილობრივი იყო. აღსანიშნავია, რომ სამაცივრეების მიერ გაყიდული პროდუქციიდან 6,6% უცხოურ ბაზარზე იქნა რეალიზებული, რომლის მნიშვნელოვან ნაწილს, 93,3%-ს ხილი და ბოსტნეული წარმოადგენდა.