აუქციონზე 35 მილიონი ლარის ფასიანი ქაღალდები გაიყიდა
დღეს ეროვნული ბანკის 91-დღიან N24, სადეპოზიტო სერტიფიკატების აუქციონზე 35 000 000 ლარის ნომინალური ღირებულების ფასიანი ქაღალდები გაიყიდა.
ეროვნული ბანკის მიერ გავრცელებული ინფორმაციით, ფასიანი ქაღალდები შეიძინა ხუთმა კომერციულმა ბანკმა.
მინიმალური საპროცენტო განაკვეთი 4.27 პროცენტით, მაქსიმალური 4.39 პროცენტით, ხოლო საშუალო შეწონილი 4.34 პროცენტით განისაზღვრა.