2018 წლის მსოფლიოს საუკეთესო ავიაკომპანია „სინგაპურის ავიახაზები“ გახდა

2018 წლის მსოფლიოს საუკეთესო ავიაკომპანია „სინგაპურის ავიახაზები“ გახდა. კომპანიამ აღნიშნული ჯილდო 10 წლის შემდეგ კიდევ ერთხელ მოიპოვა.

გასულ წელს მას პირველ ადგილზე Qatar Airways შეეცილა. ავია სფეროში ოსკარებად წოდებულ 2018 Skytrax World Airline awards-ზე კომპანიამ კიდევ 4 ნომინაციაში გაიმარჯვა. მას ასევე ხვდა წილად ჯილდო საუკეთესო პირველი კლასისთვის, საუკეთესო აზიური ავიაკომპანიისთვის და საუკეთესო პირველი კლასის სავარძლებისთვის.

Qatar Airways-ი კი, რომელიც მთავარი ჯილდოს მფლობელი 2011, 2012, 2015 და 2017 წლებში დასახელდა, წელს დაჯილდოების ცერემონიიდან ხელცარიელი არ წასულა, კომპანიის აღმასრულებელ დირექტორს აკბარ ალ ბაკერს პრიზისის მისაღებად სცენაზე სამჯერ მოუწია ასვლა. მას ერგო პრიზები კატეგორიაში - საუკეთესო ბიზნეს კლასი, საუკეთესო ავიაკომპანია ახლო აღმოსავლეთში და საუკეთესო ბიზნეს კლასის სავარძელი.

Skytrax-ი ეს არის 2001 წელს დიდი ბრიტანეთში შექმნილი ავია-ინდუსტრიის მიმომხილველი კომპანია, რომელიც სხვადასხვა კატეგორიაში ჯილდოს ყოველწლიურად გასცემს.

„სინგაპურის ავიახაზების“ გამარჯვებამ აზიური კომპანიები გამოაცოცხლა, რომლებიც ბოლო წლებში ახლო აღმოსავლეთის დომინანტ ავიაკომპანიებთან კონკურენციაში მარცხდებოდნენ.

როგორც „სინგაპურის ავიახაზების“ ხელმძღვანელმა განაცხადა, მისი კომპანიის გამარჯვება განაპირობა კომპანიის სტრატეგიამ გაეუმჯობესებინა მომსახურება და განეხორციელებინა ინვესტირება სხვადასხვა მიმართულებით.

რაც შეეხება სხვა დანარჩენ პოზიციებს, ათეულში, ის დიდად არ განხვავდება წინა წლებისგან, სადაც ასევე დომინირებდნენ აზიური კომპანიები. რეიტინგში მესამეა - ANA (All Nippon Airways), მეოთხე - Emirates, მეხუთე - Taiwan-ი ავიახაზები, მეექვსე - Cathay Pacific. ერთადერთი ევროპული ავიამზიდი ათეულში არის Lufthansa , რომელიც მეშვიდე ადგილზეა, მერვე ადგილი დაიკავა ჩინურმა Hainan Airlines-მა, მეცხრე - ინდონეზიურმა Garuda Indonesia და მეათე Thai Airways-მა.

რაც შეეხება ჩრდილო-ამერიკულ ავიაკომპანიებს, მათ მხოლოდ ორი ჯილდო ერგოთ. ჩრდილოეთ ამერიკის საუკეთესო ავიაკომპანიად დასახელდა Air Canada, ხოლო ამავე რეგიონის საუკეთესო ლოუქოსტერად ასევე კანადური WestJet. ბორტზე საუკეთესო საკვებისთვის, სადილისთვის და საუკეთესო მოწყობისთვის ჯილდო გადაეცა Air France-ს.

Top-10 მსოფლიოს საუკეთესო ავიაკომპანია

1. Singapore Airlines

2. Qatar Airways

3. ANA All Nippon Airways

4. Emirates

5. EVA Air

6. Cathay Pacific

7. Lufthansa

8. Hainan Airlines

9. Garuda Indonesia

10. Thai Airways

საუკეთესო ავიაკომპანიები რეგიონის მიხედვით

ჩრდილოეთ ევროპა - Finnair

დასავლეთ ევროპა - Lufthansa

აღმოსავლეთ ევროპა - Aeroflot Russian Airlines

აფრიკა - Ethiopian Airlines

ავსტრალია/წყნარი ოკეანე - Qantas Airlines

ცენტრალური აზია/ინდოეთი - Air Astana

ჩინეთი - Hainan Airlines

ცენტრალური ამერიკა/კარიბის აუზი - Copa Airlines

სამხრეთ ამერიკა -- Avianca

ჩრდილოეთ ამერიკა - Air Canada

აზია - Singapore Airlines

ახლო აღმოსავლეთი - Qatar Airways

ევროპა - Lufthansa

საუკეთესო დაბალბიუჯეტიანი ავიკომპანიები რეგიონის მიხედვით

აფრიკა - Mango

ავსტრალია-წყნარი ოკეანე - Jetstar Airways

აზია - AirAsia

ცენტრალური აზია/ინდოეთი - Indigo

ჩინეთი - West Air

სამხრეთ ამერიკა - Sky Airline

ჩრდილოეთ ამერიკა - WestJet

ახლო აღმოსავლეთი - Flynas

ევროპა -- Norwegian

საუკეთესო კვება

ეკონომ-კლასი - Thai Airways

პრემიუმ-ეკონომ კლასი- Aeroflot Russian Airlines

ბიზნეს-კლასი - Austrian Airlines

პირველი კლასი - Air France

საუკეთესო სავარძელი

ეკონომ-კლასი - Japan Airlines

პრემიუმ-ეკონომ კლასი - Air New Zealand

ბიზნეს-კლასი - Qatar Airways

პირველი კლასი - Singapore Airlines

საუკეთესო რეგიონალური გადამზიდავები

აფრიკა - Royal Air Maroc

აზია - Bangkok Airways

სამხრეთ ამერიკა - Azul Brazilian Airlines

ცენტრალური აზია - Azerbaijan Airlines

ევროპა -- Aegean Airlines

საუკეთესო ლაუნჯი

პირველი კლასი - Qatar Airways

ავიახაზების კავშირის ლაუნჯი - Star Alliance Los Angeles

დამოუკიდებელი აეროპორტის ლაუნჯი - Plaza Premium Heathrow Terminal Two

პირველი კლასის ლაუნჯი - Air France

საუკეთესო მომსახურე პერსონალის მქონე ავიაკომპანია რეგიონების მიხედვით

აფრიკა - South African Airways

ავსტრალია/წყნარი ოკეანე - Qantas Airways

ცენტრალური აზია/ინდოეთი - Vistara

ჩინეთი - Hainan Airlines

ცენტრალური ამერიკა/კარიბის აუზი - Copa Airlines

სამხრეთ ამერიკა - Azul Brazilian Airlines

აზია - ANA All Nippon Airways

ახლო აღმოსავლეთი - Emirates

ევროპა -- Austrian Airlines

კოკა კვირკველია