თბილისიდან სტამბოლში მიმავალი თვითმფრინავის ტრაპიზონში ავარიულად დაშვების მიზეზი სავარაუდოდ, ძრავში ფრინველის მოხვედრა იყო
თბილისიდან სტამბოლში მიმავალი თვითმფრინავის ტრაპიზონში ავარიულად დაშვების მიზეზი სავარაუდოდ, ძრავში ფრინველის მოხვედრა იყო.როგორც ერთ-ერთმა მგზავრმა ხატია ტყებუჩავამ „რუსთავი 2“-ის ეთერში განაცხადა, მფრინავმა გამოაცხადა, რომ ძრავთან დაკავშირებული პრობლემები იყო.
„მფრინავმა გამოაცხადა, რომ ძრავთან დაკავშირებით პრობლემა იყო და თვითმფრინავს ავარიული დაშვება უნდა განეხორციელებინა“, - განაცხადა ხატია ტყებუჩავამ.
ტრაპიზონში გენერალური კონსულის მოადგილის გიორგი ყუშიტაშვილის თქმით, პირველადი მონაცემებით, ავარიული დაშვება ფრინველების გადაფრენამ გამოიწვია. მისივე თქმით, მგზავრები სტამბოლში უკვე სხვა თვითმფრინავით გაფრინდნენ.
შეგახსენებთ, რომ თბილისიდან სტამბოლში მიმავალი თვითმფრინავი ტრაპზონის აეროპორტში ავარიულად დაეშვა. როგორც „ინტერპრესნიუსს“ საგარეო საქმეთა სამინისტროდან აცნობეს, საკონსულოსთვის დახმარების თხოვნით არავის მიუმართავს, თუმცა ადგილზე ვითარების გასარკვევად საკონსულოდან მაინც მივიდნენ.