ყოფილი „ლეოგრანდი“ დღეს, 18:00 საათზე დაიხურება, დამსვენებლებს კი ბათუმის სხვადასხვა სასტუმროებში დააბინავებენ

სასტუმრო „ველმონდი"(ყოფილი „ლეოგრანდი“) დღეს, 18:00 საათზე დაიხურება,- ამის შესახებ სასტუმროს იურისტმა კახაბერ წერეთელმა ჟურნალისტებთან საუბრისას განაცხადა.მისი თქმით, სასტუმროში მყოფ ტურისტებს ბათუმის სხვადასხვა სასტუმროებში დააბინავებენ.

„დღეს ჩვეულებრივ სრულდება გადაწყვეტილება და 18:00 საათზე სასტუმრო დაიხურება. რაც შეეხება ტურისტებს, აჭარის ტურიზმის დეპარტამენტის დახმარებით მათ სხვადასხვა სასტუმროებში დავაბინავებთ. სასტუმრო ფუნქციონირებას დაიწყებს მაშინ, როგორც კი სახანძრო უსაფრთხოების ნორმებს დააკმაყოფილებს",- განაცხადა კახაბერ წერეთელმა.