მურთაზ კიკორია ეროვნულ ბანკს ტოვებს
„ეროვნული ბანკის“ ვიცე-პრეზიდენტი მურთაზ კიკორია ეროვნულ ბანკს ტოვებს.
ამ მოთხოვნით, კიკორიამ პარლამენტს უკვე მიმართა.
წერილის თანახმად, კიკორია სებ-ს მიმდინარე წლის 30 ნოემბრიდან დატოვებს.
„ეროვნული ბანკის“ შესახებ საქართველოს ორგანული კანონის მე-11 მუხლის შესაბამისად, მოგმართავთ ეროვნული ბანკის საბჭოს წევრის თანამდებობიდან გადადგომის შესახებ ა/წ 30 ნოემბრიდან,“- ვკითხულობთ პარლამენტის თავმჯდომარის სახელზე გაგზავნილ წერილში.
ცნობისთვის, კიკორია აღნიშნულ პოსტს ეროვნულ ბანკში 2016 წლის დეკემბრიდან იკავებს. მანამდე კი „საქართველოს ბანკის" აღმასრულებელი დირექტორის თანამდებობას იკავებდა.