ყაზბეგში სხვადასხვა დასახელების არადეკლარირებული მედიკამენტები აღმოაჩინეს
საბაჟო გამშვებ პუნქტში ,,ყაზბეგი“, სხვადასხვა დასახელების არადეკლარირებული მედიკამენტების ქვეყანაში უკანონოდ შემოტანის მცდელობის ფაქტი აღიკვეთა.
შემოსავლების სამსახურის ინფორმაციით, ფინანსთა სამინისტროს შემოსავლების სამსახურის მებაჟე ოფიცრებმა, აზერბაიჯანის მოქალაქის, ვ.ა-ს კუთვნილი ავტომანქანის დათვალიერებისას, არადეკლარირებული მედიკამენტები (1332 შუშის ფლაკონი და 80 ამპულა) აღმოაჩინეს.
საქონლის ღირებულებამ 5978.4 ლარი შეადგინა. საქმე, შემდგომი რეაგირებისთვის ფინანსთა სამინისტროს საგამოძიებო სამსახურს გადაეცა.