PowerPoint Karaoke თბილისში მეოთხედ გაიმართება

PowerPoint Karaoke თბილისში დღეს მეოთხედ გაიმართება. ღონისძიების ფარგლებში სტარტაპერებს, განსხვავებული პროფესიის ადამიანებს და სტუდენტებს "ტერმინალში" გართობასთან ერთად PowerPoint -ის ტრადიციული პრეზენტაციები ელით.

PowerPoint Karaoke, რომელიც 2006 წელს ბერლინში შეიქმნა, Zentrale Intelligenz Agentur-ის პროექტია. ღონისძიებები მსოფლიოს ბევრ ქალაქში იმართება.

PowerPoint Karaoke გაძლევთ საშუალებას, ჩვეულებრივი ორშაბათი სულ სხვაგვარ დღედ აქციოთ - ნაკლებ სტრესულად და მეტად მხიარულად. გაქვთ შანსი, გაიცნოთ და შემდეგ - შეეჯიბროთ ადამიანებს, რომლებიც, შესაძლოა, თქვენი თანამოაზრები იყვნენ, ასევე - განავითაროთ პრეზენტაციების უნარი. სახელის მიუხედავად, სიმღერა ღონისძიებაზე საჭირო არ არის და მონაწილეობის მიღება შეუძლია ყველას - მათ, ვისაც აქტიურობა სურთ და მათაც, ვისაც - უბრალოდ დასწრება და გართობა ურჩევნია.

როგორც „ბიზნესპრენიუსთან“ საუბრისას Tbilisi Startup Bureau თანადამფუძნებელმა გიორგი ქოიავამ განაცხადა, PowerPoint Karaoke საქართველოში უკვე მეოთხედ ტარდება და მასში მონაწილეობის მიღება ნებისმიერ მსურველს შეუძლია.

„ხშირად ადამიანები პრეზენტაციის გაკეთების დროს იწყენენ ან მათთვის ეს პროცესი სახალისო არ არის. ჩვენ გადავწყვიტეთ ამ ფორმატის ღონისძიება თბილისშიც დაგვეწყო. პირველ რიგში გვინდოდა, პრეზენტაციების გაკეთება ნებისმიერმა ადამიანმა შეძლოს, ვისაც აქვს საკუთარი სტარტაპი ან მუშაობს კომპანიაში და სურს, რომ საკუთარი პროდუქტი უკეთ გადმოსცეს.

ფორმატი მარტივია - მონაწილეები მოდიან სურვილის მიხედვით, გამოდიან სპიკერებად, აკეთებენ პრეზენტაციას. რეზენტაციას წინასწარ ჩვენ ვამზადებთ და მონაწილეებს ამის შესახებ ინფომაცია არ აქვს.

წინა სამ ღონისძიებაზე, ვინც მონაწილეობა უკვე მიიღო რამდენიმე შედეგი დაგვანახა. ვისაც პრეზენტაციის გაკეთება უჭირდა მეტი თავდაჯერებულობა შეემატა, ვისაც საერთოდ არ ეგონა, რომ ცხოვრებაში პრეზენტაციას გააკეთებდა, მიხვდნენ, რომ თურმე ეს შესაძლებელია. ღონისძიბის ფარგლებში ასევე გაიცემა სხვადასხვა პრიზები", - განაცხადა ქოიავამ.

PowerPoint Karaoke-ს ორგანიზატორები არიან Tbilisi Startup Bureau და "ტერმინალი".

ბილეთების შეძენა შესაძლებელია ონლაინ : TKT.ge, Eventer.ge და Biletebi.ge.

ლიკა ამირაშვილი