სარფში არადეკლარირებული ვერცხლის ნაკეთობები აღმოაჩინეს

საბაჟო გამშვებ პუნქტში ,,სარფი“, არადეკლარირებული ვერცხლის საზღვარზე უკანონოდ შემოტანის ფაქტი აღიკვეთა.

ფინანსთა სამინისტროს შემოსავლების სამსახურის ცნობით, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, რუსეთის ფედერაციის მოქალაქის, ვ.ე-ს კუთვნილი ავტომანქანის დათვალიერების შედეგად, 3,214.28 ლარის ღირებულების, არადეკლარირებული ვერცხლის გრანულები საიუველირო ნაკეთობებისთვის (საერთო წონა 3კგ.) აღმოაჩინეს.

უწყების ინფორმაციით, საგადასახადო კოდექსის 289-ე მუხლის მე-10 ნაწილის თანახმად, კანონდამრღვევ მოქალაქეს, სანქციის სახით, ფულადი ჯარიმა, 3214.28 ლარის ოდენობით შეეფარდა.