საქართველოს სახელმწიფო საგარეო ვალი ერთ თვეში 105 მლნ ლარით გაიზარდა
საქართველოს სახელმწიფო საგარეო ვალი ბოლო ერთი თვის განმავლობაში 105 მილიონი ლარით გაიზარდა.
მიმდინარე წლის 30 სექტემბრის მონაცემებით, საქართველოს სახელმწიფო საგარეო ვალმა 13,441 მილიარდ ლარს (5,140 მილიარდ დოლარს) გადააჭარბა. 31 აგვისტოს მონაცემებით კი ვალის მოცულობა 13, 336 მილიარდ ლარს შეადგენდა.
საქართველოს სახელმწიფოს ყველაზე მსხვილი კრედიტორები არიან: მსოფლიო ბანკის განვითარების საერთაშორისო ასოციაცია (IDA); აზიის განვითარების ბანკი (ADB) და რეკონსტრუქციისა და განვითარების საერთაშორისო ბანკი (IBRD).
კერძოდ, IDA -ს მიმართ ვალი 30 სექტემბრის მდგომარეობით 2,835 მილიარდ ლარზე მეტს შეადგენს; ADB-ის მიმართ ვალი 1,849 მილიარდ ლარზე მეტია; ხოლო IBRD-ის მიმართ სახელმწიფოს საგარეო ვალი 2,031 მილიარდ ლარზე მეტს შეადგენს.
საქართველოს ეროვნული ბანკის ვალი კი 2018 წლის 30 სექტემბრის მდგომარეობით 328 385 000 ლარს შეადგენს.