ე.წ. სტამბოლის ბაზარში 900 კვადრატულ მეტრამდე ფართობზე განთავსებული დახლები დაიწვა, დამწვარია მიკროავტობუსიც
რუსთავში, ე.წ. "სტამბოლის ბაზარში" დამწვარია 800-900 კვადრატული მეტრი ფართობი.ამის შესახებ საგანგებო სიტუაციების მართვის სამსახურში განაცხადეს. უწყების ინფორმაციით, ცეცხლი სავაჭრო ობიექტზე არსებულ დახლებს უკიდია. მათივე ცნობით, ადგილზე მუშაობს 12 სახანძრო-სამაშველო ჯგუფი. ხანძრის მასშტაბიდან გამომდინარე, დამატებითი ძალები თბილისიდან მიემართებიან. ამ წუთებში მეხანძრე-მაშველები ხანძრის ლოკალიზებას ცდილობენ. წინასწარი ინფორმაციით, ხანძრის შედეგად დაშავებული არავინ არის.