10 თვის მონაცემებით, ქუთაისის საერთაშორისო აეროპორტში მგზავრთნაკადმა ნახევარ მილიონს გადააჭარბა
ეკონომიკისა და მდგრადი განვითარების სამინისტროს შპს “საქართველოს აეროპორტების გაერთიანების“ ინფორმაციით, 2018 წლის 10 თვის მონაცემებით, ქუთაისის საერთაშორისო აეროპორტში მგზავრთნაკადმა ნახევარ მილიონს გადააჭარბა.
აეროპორტების გაერთიანების ცნობით, იანვარ-ოქტომბრის მონაცემებით, დავით აღმაშენებლის სახელობის აეროპორტი 5120 386 მგზავრს მოემსახურა, რაც წინა წლის ანალოგიურ პერიოდთან შედარებით 42 %-ით მეტია. (2017 წლის 10 თვე - 359 961 მგზავრი).
„ზრდა ფიქსირდება შესრულებული რეისების კუთხითაც. 10 თვის განმავლობაში დავით აღმაშენებლის სახელობის აეროპორტში 1 791 რეისი შესრულდა, რაც გასული წლის ანალოგიურ პერიოდზე 25% მეტია. (2017 წლის 10 თვე - 1433 რეისი).
2018 წლის ოქტომბერში კი ქუთაისის დავით აღმაშენებლის სახელობის აეროპორტში მგზავრთნაკადი, გასული წლის ანალოგიურ პერიოდთან შედარებით 78%-ით გაიზარდა. ოქტომბრის თვეში ქუთაისის აეროპორტი 62 000 მგზავრს მოემსახურა (2017 წლის სექტემბერი 34 874 მგზავრი).
რაც შეეხება რეისების რაოდენობას, ზრდა ამ მიმართულებითაც ფიქსირდება. 2018 წლის ოქტომბერში ქუთაისის საერთაშორისო აეროპორტში 222 რეისი შესრულდა, რაც წინა წლის ანალოგიურ პერიოდთან შედარებით 71 % მეტია. (2017 წლის სექტემბერი 130 რეისი)“, - ნათქვამია „აეროპორტების გაერთიანების“ ინფორმაციაში. მათივე ცნობით, მგზავრთნაკადის ზრდის კუთხით მოლოდინი მომავალ თვეებშიც პოზიტიურია.