კურორტ გოდერძიზე ზამთრის ტურისტული სეზონის გახსნა გადაიდო
კურორტ გოდერძიზე და დიდველზე ზამთრის ტურისტული სეზონის გახსნა გადაიდო.
აღნიშნულის შესახებ ინფორმაციას ეკონომიკისა და მდგრადი განვითარების სამინისტროს ,,მთის კურორტების განვითარების კომპანია“ ავრცელებს.
„გაცნობებთ, რომ გოდერძისა და დიდველზე სამთო-სათხილამურო სეზონი ოფიციალურად 8 დეკემბერს უნდა გახსნილიყო, თუმცა უთოვლობის გამო, დაგეგმილი გახსნა გადაიდო. ამინდის ცვლილების შესაბამისად მოგაწვდით განახლებულ ინფორმაციას“, - აღნიშნულია განცხადებაში.