ნოემბერში ვადაგადაცილებული სესხები 52.8 მლნ ლარით გაიზარდა

გასული წლის ნოემბერში, ვადაგადაცილებული სესხები 52.8 მლნ ლარით გაიზარდა და 478.8 მლნ ლარს გაუტოლდა.

ეროვნული ბანკის ინფორმაციით, მათი წილი კომერციული ბანკების საკრედიტო პორტფელში 1.8 პროცენტი იყო. ამასთან, სებ-ის ცნობით, ვადაგადაცილებული სესხების 48.1 პროცენტი ეროვნული ვალუტით არის დენომინირებული. საანგარიშო პერიოდში, მთლიანი საკრედიტო პორტფელის დოლარიზაციის მაჩვენებელი 0.2 პროცენტული პუნქტით გაიზარდა და 56.6 პროცენტს გაუტოლდა.