საქართველოს ნებისმიერი მოქალაქე პრეპარატ „ტამიფლუს“ უფასოდ ხვალიდან მიიღებს

ჯანდაცვის მინისტრის დავით სერგეენკოს განცხადებით, საქართველოს ნებისმიერი მოქალაქე პრეპარატ „ტამიფლუს“ უფასოდ ხვალიდან მიიღებს.

მისივე თქმით, დავალება პრეპარატის უფასოდ გაცემასთან დაკავშირებით გუშინ გვიან ღამით მიიღო და შესრულების მექანიზმების გაწერა მიმდინარეობს.

„ბოლო პერიოდში ჯანდაცვის სამინისტრო უფასოდ გასცემს ანტივირუსულ პრეპარატს რისკ-ჯგუფებზე, როგორიც არის: ორსულები, მელოგინეები, ასაკოვნები, ბავშვები და სოციალურად დაუცველები. მიუხედავად ამისა, ბოლო დღეებში ნათელი გახდა, რომ ამ პრეპარატის შეძენა სხვა ჯგუფებისთვის გარკვეულ ფინანსურ თუ რაიმე სახის სხვა ბარიერს შეადგენს. საქართველოს პრემიერ-მინისტრი ინტენსიურად არის ჩართული სამუშაო პროცესში. გვიან ღამით გვქონდა ბოლო განხილვა და მან მიიღო გადაწყვეტილება, რომლის შესრულებასაც ვიწყებთ, რომ საქართველოს ყველა მოქალაქე ანტივირუსულ პრეპარატს მიიღებს უფასოდ, რათა ფინანსური ბარიერი საერთოდ განულდეს. მე ეს დავალება მივიღე გუშინ საღამოს. დღეს დილიდან დავიწყეთ შესრულების მექანიზმების გაწერა და ვფიქრობ, რომ ხვალ დღის პირველი ნახევრიდან დავიწყებთ ამის განხორციელებას. ეს არის ძალიან მნიშვნელოვანი გადაწყვეტილება და ნიშნავს იმას, რომ საქართველოს მთავრობისთვის მოქალაქეების ჯანმრთელობა მართლაც პრიორიტეტულია. მიუხედავად იმისა, რომ სუფთა ეპიდემიოლოგიურად ამის საჭიროება არ იყო, ეს იყო პრემიერ-მინისტრის მიერ მიღებული ძალიან სწორი გადაწყვეტილება. ჩვენ გვექნება საშუალება დღესვე გავიაროთ ეს საკითხი, თუმცა ეს არის პირველი მონახაზი“, - განაცხადა დავით სერგეენკომ.

პრემიერის გადაწყვეტილებით, საქართველოს ყველა მოქალაქე, ექიმის დანიშნულებით, „ტამიფლუს“ უფასოდ მიიღებს
დავით სერგეენკო ფარმაცევტულ კომპანიებს მოუწოდებს, ანტივირუსულ პრეპარატ „ტამიფლუზე“ ფასები დაწიონ
"ქსელებში „ტამიფლუს“ ფასი 68 ლარია, აპელირება იმაზე, რომ კომპანიები ამ მედიკამენტზე ზემოგებებს იღებენ, „შავი პიარია“