სმარტფონი, რომელიც იკეცება - Xiaomi-მ ახალი პროდუქტი წარადგინა
კომპანია Xiaomi-ს დამფუძნებელმა და დირექტორმა ლინ ბინმა პირველი კეცვადი სმარტფონი წარადგინა, რომელიც მისმა კომპანიამ შექმნა. ვიდეორგოლი მან სოციალურ ქსელ Weibo-ს საკუთარ გვერდზე გაავრცელა.
„ჩვენ შევქმენით პირველი სმარტფონი კეცვადი ეკრანით, რომელიც ეკრანის ორი მხრიდან დაკეცვის შესაძლებლობის მქონე პირველი სმარტოფნია მსოფლიოში“, - დაწერა მან.
გახსნილ მდგომარეობაში მოწყობილობა პლანშეტია, ხოლო მისი გვერდების მოკეცვის შემთხვევაში, ის სმარტფონად იქცევა.
ვიდეოს აღწერაში წერია, რომ Xiaomi-მ შეძლო ისეთი საკითხის გადაჭრა, როგორიცაა რბილი ეკრანი.
ლინ ბინის თქმით, მოწყობილობას სახელი ჯერ არ აქვს, განიხილება ორი ვარიანტი - Xiaomi Dual Flex და Xiaomi MIX Flex.
