2019 წელს თავდაცვის სამინისტრო სამხედრო მოსამსახურეებს ბინებს გადასცემს

2019 წელს თავდაცვის სამინისტრო სამხედრო მოსამსახურეებისთვის ბინების გადაცემას დაიწყებს, - ამის შესახებ თავდაცვის მინისტრმა ლევან იზორიამ პრესკონფერენციაზე განაცხადა.

მისი ინფორმაციით, 2020 წელს ყველა იმ სამხედრო მოსამსახურეს ექნება ბინა გადაცემული, ვის წინაშეც სახელმწიფოს ბინით დაკმაყოფილების ვალდებულება გააჩნია.

„ყველა სამხედრო მოსამსახურესთვის, ვის წინაშეც სახელმწიფოს კონტრაქტის საფუძველზე ვალდებულება გააჩნია, რომ ბინით დააკმაყოფილოს, ამას შევასრულებთ. წელს ვიწყებთ იმით, რომ როგორც გორში, ისე თბილისში სამხედრო მოსამსახურეთა საკმაოდ დიდი რაოდენობა ბინებს მიიღებს. 2020 წელს ჩვენ ამ ვალდებულებას დავასრულებთ გამომდინარე იქიდან, რომ გვაქვს ფინანსური შესაძლებლობები იმისთვის, რომ ყველა სამხედრო მოსამსახურეს, ვისაც კონტრაქტით ეკუთვნის ბინა, დავუკმაყოფილოთ და გავცეთ ბინები,“ - განაცხადა ლევან იზორიამ.