Zara-მ ლოგო განაახლა
ტანსაცმლისა და ფეხსაცმლის მწარმოებელმა ბრენდმა Zara-მ ბოლო 9 წლის განმავლობაში პირველად შეცვალა ლოგო.
ამის შესახებ პორტალი DesignTaxi-ი წერს. ახალი ლოგოსთვის შეირჩა უფრო კონტრასტული შრიფტი, გადაბმებით. მაგრამ ძველისგან განსხვავებით ახალში პრაქტიკულად გაქრა ასოებს შორის ინტერვალი. ასოები შემჭიდროვდა და მათი ნაწილი ერთმანეთზე გადადის. ბოლოს ბრენდმა ლოგო 2010 წელს განაახლა.
ახალი ლოგო კი დიზაინ-სააგენტო Baron & Baron-მა შეიმუშავა, რომელსაც ისეთ ბრენდებთან უმუშავია როგორებიცაა Dior, Gucci, Louis Vuitton, Givenchy და სხვა მოდური ბრენდები. აღსანიშნავია, რომ სოციალური ქსელების მომხმარებლებში ახალმა ლოგომ მოწონება ვერ დაიმსახურა და ხუმრობენ კიდეც, რომ ალბათ მომავალი ცვლილებისას ყველა ასო ერთმანეთს გადაებმევა.