ჯიპიაი მასშტაბური დასაქმების პროგრამას წელსაც აანონსებს
ბიზნესი გენდერული თანასწორობისთვის კონკურსის პრეზენტაციაზე 2018 წლის გამარჯვებულმა - სადაზღვევო კომანია „ჯიპიაი ჰოლდინგმა“ მასშტაბური დასაქმების პროგრამა კვლავ დააანონსა.
- 300 სამუშო ადგილი
- დასაქმება ასაკობრივი შეზღუდვის, სამუშაო გამოცდილების და სპეციფიკური განათლების მოთხოვნის გარეშე
- უფასო გადამზადების პროგრამა და ანაზღაურებადი სამუშაო სწავლების პროცესში
30 იანვარს , 2019 წლის კონკურსისადმი მიზღვნილ პრესკონფერენციაზე ათასწლეულის გამოწვევის ფონდმა - საქართველო, კონკურსის ბიზნესი გენდერული თანასწორობისთვის პრეზენტაცია გაიმართა. ღონისძიების ერთ-ერთი მთავარი მომხსენებელი, ჯიპიაი ჰოლდინგის კომუნიკაციების დირექტორი, თინათინ სტაბოლიშვილი იყო, რომელმაც ვრცლად ისაუბრა გასულ წელს გამარჯვებულ პროექტზე და განაცხადა, რომ პროექტი წელსაც გაგრძელდება კიდევ უფრო მასშტაბური ფორმატით:
„ჩვენი კომპანიისთვის უაღრესად მნიშვნელოვანია ეს ჯილდო. ეს არის აღიარება არამხოლოდ ჩვენი კომპანიის, როგორც დამსაქმებლის - არამედ ყველა იმ ასეულობით ადამიანის, რომელიც ჩაერთო ჩვენი დასაქმების პროგრამაში 2016-2017 წლებში, და გადაწყვიტა ახალი პროფესიის, ახალი კარიერის და ფაქტიურად, ახალი ცხოვრების დაწყება. მოხარული ვარ, რომ სწორედ დღეს - წლევანდელი კონკურსის გამოცხადებისას მიწევს დავაანონსო, რომ ჩვენი დასაქმების პროგრამა გრძელდება კიდევ უფრო მასშტაბურად - ამჯერად ვაკანსია არამხოლოდ გაყიდვების მენეჯერის, არამედ სხვა პოზიციებსაც შეეხება. ამჯერადაც ეს პროგრამა 300-ზე მეტ ადამიანს მისცემს შანსს გახდეს კომპანიის თანამშრომელი. ჩვენ უზრუნველვყოფთ, როგორც მათ დასაქმებას, ისე 6 თვიან ანაზღაურებად სწავლების პროცესს,“ - განაცხადა თინათინ სტამბოლიშვილმა.
ქალთა როლის გასაძლიერებლად 2016 და 2017 წლებში „ჯიპიაი ჰოლდინგმა“ მასშტაბური დასაქმების პროექტი განახორციელა, რომელმაც დასაქმების და კარიერული ზრდის საშუალება დაახლოებით 580 საშუალო და მაღალი ასაკის, სხვადასხვა სოციალური სტატუსის ადამიანს მისცა. ფორუმზე დასაქმებულთა 80% ქალია. დასაქმების პროგრამა წელსაც გრძელდება, კომპანია 300 ადამიანს დაასაქმებს. დაინტერესებულ პირებს კომპანია 22-23 თებერვალს, ზურაბ წერეთლის სახელობის თანამედროვე ხელოვნების მუზეუმში (რუსთაველის 27), გასაუბრებაზე ელის.
***
ათწლეულის გამოწვევის ფონდი - საქართველო პროფესიასა და კარიერაში ქალების განვითარების ხელშეწყობის კონკურსი წელს მეოთხედ ატარებს. მისი მიზანი იმ ბიზნესების და კომპანიების ხელშეწყობა, რომლებიც ნერგავენ ქალთა გაძლიერების, სწავლების, განათლების და პროფესიული განვითარების პრინციპებს.
(R)