Brand Finance-მ მსოფლიოს 10 ყველაზე ძვირად ღირებული საბანკო ბრენდი დაასახელა
მსოფლიოს 10 ყველაზე ძვირად ღირებული საბანკო ბრენდების რეიტინგში 5 ჩინური ბანკი მოხვდა. რეიტინგი, რომელიც ახლახან გამოქვეყნდა, Brand Finances-ის მიერ არის შედგენილი.
Industrial and Commercial Bank of China
ქვეყანა - ჩინეთი
ბრენდის ღირებულება - 79,8 მლრდ დოლარი
Industrial and Commercial Bank of China-ს 500 ათასამდე აქციონერი ჰყავს. აღნიშნული ბანკი ჩინეთის საბანკო სექტორის მეხუთედს აკონტროლებს. ბანკს აქვს 17 460 ოფისი, სადაც 453 ათასზე მეტი ადამიანია დასაქმებული.
China Construction Bank
ქვეყანა - ჩინეთი
ბრენდის ღირებულება - 70 მლრდ დოლარი
China Construction Bank-ს 14 925 ფილიალი აქვს ქვეყნის შიგნით და 10 საზღვარგარეთ, მათ შორის, იოჰანესბურგში, სინგაპურში, ფრანკფურტში და ა.შ.
Agricultural Bank of China
ქვეყანა - ჩინეთი
ბრენდის ღირებულება - 55 მლრდ დოლარი
Agricultural Bank of China მსოფლიოს ერთ-ერთი უმსხვილესი ბანკია, მისი მთავარი ოფისი პეკინში მდებარეობს. ჩინეთის ტერიტორიაზე ბანკს აქვს - 23,600 ფილიალი, 19,700 ოპერატიული ოფისი. ბანკს 14 შვილობილი კომპანია აქვს, მათ შორის 6 საზღვარგარეთ.
Bank of China
ქვეყანა - ჩინეთი
ბრენდის ღირებულება - 51 მლრდ დოლარი
Bank of China-ს ძირითად საქმიანობას კომერციულ საბანკო საქმიანობას წარმოადგენს. საქმიანობის ძირითადი რეგიონი ჩინეთია. ბანკი 53 ქვეყანაში ოპერირებს, ყველაზე მნიშვნელოვანია კანადა, გაერთიანებული სამეფო და სინგაპური.
Wells Fargo
ქვეყანა - ამერიკის შეერთებული შტატები
ბრენდის ღირებულება - 40 მლრდ დოლარი
Wells Fargo არის საბანკო კომპანია, რომელიც უზრუნველყოფს ფინანსურ და სადაზღვევო მომსახურებას შეერთებულ შტატებში, კანადასა და პუერტო რიკოში. ბანკს აქვს 8 600 ფილიალი და 13 ათასი ბანკომატი, რომელიც 40 მილიონზე მეტ მომხმარებელს ემსახურება.
Bank of America
ქვეყანა - ამერიკის შეერთებული შტატები
ბრენდის ღირებულება - 36,7 მლრდ დოლარი
Bank of America აქტივების რაოდენობით ამერიკის უმსხვილესი საბანკო ჰოლდინგია. კომპანია ყველა შტატში მოქმედებს. გარდა ამისა, 35 სხვა ქვეყანაშიც საქმიანობს. მას აქვს 4,700 ფილიალი და 16 ათასი ბანკომატი, ჰყავს 213 ათასი თანამშრომელი.
Citibank
ქვეყანა - ამერიკის შეერთებული შტატები
ბრენდის ღირებულება - 36,4 მლრდ დოლარი
Citibank უმსხვილესი საერთაშორისო ბანკია, რომელიც 1812 წელს დაფუძნდა. მას ფილიალები მსოფლიოს 100 ქვეყანაში აქვს.
JPMorgan Chase
ქვეყანა - ამერიკის შეერთებული შტატები
ბრენდის ღირებულება - 36,3 მლრდ დოლარი
JPMorgan Chase ძირითადი საქმიანობაა საინვესტიციო საბანკო მომსახურება, როგორც ფიზიკური პირებისათვის, ასევე მცირე ბიზნესისთვის, ფინანსური ტრანზაქციების ჩატარება და აქტივების მართვა.
China Merchants Bank
ქვეყანა - ჩინეთი
ბრენდის ღირებულება - 22.5 მლრდ დოლარი
China Merchants Bank 1987 წელს დაარსდა. მას 600-ზე მეტი ფილიალი აქვს ჩინეთში, ამდენივე ჰონკონგში, ლონდონსა და ნიუ-იორკში. ბანკი სთავაზობს მომსახურებას ინდივიდუალურ და იურიდიულ პირებს.
HSBC
ქვეყანა - დიდი ბრიტანეთი
ბრენდის ღირებულება - 20,2 მლრდ დოლარი
HSBC დიდი ბრიტანეთის ერთ-ერთი ყველაზე მსხვილი ფინანსური დაწესებულებაა. სათაო ოფისი ლონდონში მდებარეობს.
