Air France საქართველოს საავიაციო ბაზარზე ოპერირებას 31 მარტიდან დაიწყებს
საფრანგეთისა და საქართველოს დედაქალაქებს შორის საჰაერო მიმოსვლის სიხშირე იზრდება.
მიმდინარე წლის 31 მარტიდან, ქართულ ავიაკომპანია Georgian Airways-თან ერთად, რეგულარულ ავიარეისებს აღნიშნულ მიმართულებაზე წამყვანი ფრანგული ავიაკომპანია Air France განახორციელებს. რეგულარული ფრენები პარიზი-თბილისი-პარიზის საჰაერო ხაზზე 2019 წლის 23 ოქტომბრამდე, კვირაში ორი სიხშირით განხორციელდება.
რეისები Airbus A320 და A321 ტიპის საჰაერო ხომალდებით შესრულდება. წინასწარი ინფორმაციით, ზაფხულის სანავიგაციო სეზონიდან, რეგულარული საჰაერო მიმოსვლა თბილისსა და პარიზს შორის კვირაში 4 სიხშირით შესრულდება. ცნობისთვის, Air France ავიაკომპანიების გლობალური ალიანსის Sky Team-ის დამფუძნებელი წევრია.
