რამდენს გადაუხდიან მადონას ევროვიზიაზე გამოსვლაში
უკვე ოფიციალურად დადასტურდა, რომ 18 მაისს ევროვიზიის ფინალურ შოუზე სპეციალური სტუმრის სტატუსით მონაწილეობას მსოფლიოში პოპის დედოფლად აღიარებული მომღერალი მადონა მიიღებს.
როგორ „იუიერუსალიმ პოსტი“ წერს, მომღერლის წარმომადგენლებთან კომპანია Live Nation-თან მოლაპარაკებებს რამდენიმე თვე აწარმოებდა ისრაელის საზოგადოებრივი მაუწყებელი KAN.
რაც შეეხება საფასურს, ირკვევა, რომ სუპერვარსკვლავს ამ გამოსვლაში 1,3 მილიონ დოლარს გადაუხდიან და აღნიშნულ თანხას მთლიანად დაფარავს კანადელი-ებრაელი ბიზნესმენი სილვან ადამსი.
Live Nation-ის განცხaდებით, მომღერალი შოუზე მხოლოდ ორ სიმღერას შეასრულებს, მათ შორის, ერთი იქნება სრულიად ახალი სიმღერა მისი მომავალი ალბომიდან. კომპანიის განცხადებითვე, მადონა ისრაელში მის 65-კაციანი სტაფით ჩადის, რომელიც ასევე ითვლის ათობით მოცეკვავეს.
მომღერლის ეს გამოსვლა იქნება ისტორიული. ცნობისათვის, ბოლოს თელ-ავივში მადონამ მსოფლიო ტურნეს ფარგლებში 2012 წელს იმღერა.
