შემოსავლების სამსახურის თანამშრომლებმა სხვადასხვა საბაჟო გამშვებ პუნქტზე ძვირფასი ლითონების დეკლარირების გარეშე შემოტანის რამდენიმე მცდელობა გამოავლინეს.
კერძოდ, სსიპ შემოსავლების სამსახურის ინფორმაციით, სგპ "ვალეს" ტერიტორიაზე შემოსულ თურქეთის მოქალაქე დ.ფ.-ს დათვალიერების შედეგად აღმოაჩნდა არადეკლარირებული ოქროს ნაკეთობები, საერთო წონით 83.99 გრამი. საქონლის ღირებულებამ 5711,05 ლარი შეადგინა. ამ დარღვევის გამო, საგადასახადო კოდექსის 289-ე მუხლის მე-10 ნაწილის თანახმად, პირს სანქციის სახით შეეფარდა ფულადი ჯარიმა - 5711,05 ლარი.
ანალოგიური შემთხვევა მოხდა სგპ "სადასახლო საავტომობილოს" ტერიტორიაზე, სადაც სომხეთის რესპუბლიკის მხრიდან შემოვიდა სომხეთის მოქალაქე ხ. გ., რომლის კუთვნილი ავტომანქანის დათვალიერების შედეგად აღმოჩენილ იქნა არადეკლარირებული საქონელი, კერძოდ, ოქროს ნაკეთობები: 3 სამეული, 5 ცალი ბეჭედი, 1 ცალი სამაჯური, 11 ცალი ჯვარი, 2 ცალი ყელსაბამი და 1 ცალი სამაჯურის პატარა ნაწილი, საერთო წონით - 104,69 გრ. საქონლის საბაჟო ღირებულებამ 4498,47 ლარი შეადგინა.
აღნიშნულ პირს საგადასახადო კოდექსის 289-ე მუხლის მე-10 ნაწილის შესაბამისად, ჯარიმის სახით 4498,47 ლარის გადახდა შეეფარდა.