სახლი თბილისში, რომელიც 4 მლნ ლარი ღირს (+ფოტო)

თბილისში, მთაწმინდაზე, იყიდება სახლი, რომლის ღირებულებაც 4 მლნ ლარს (1486 100 დოლარი) შეადგენს.

SS-ge-ზე გამოქვეყნებული განცხადების მიხედვით, სახლის საერთო ფართი 400 კვ.მ-ია.

როგორც განცხადებაშია აღნიშნული, ტრიპლექსის ტიპის სახლის (სამ დონეზე განლაგებული) მეორე სართულზე განთავსებულია ვერანდები.

სახლს აქვს 8 ოთახი (მათგან 6 საძინებელი), 3 სველი წერტილი, ორი მარმარილოს ბუხარი და სარდაფი.

გარდა ამისა, სახლის საკუთრებაშია გარაჟი და სათავსო.