რა მიმართულებით იმოძრავებს ახალი საბაგირო თბილისში
თბილისში შესაძლოა, ახალი საბაგირო მოეწყოს.
ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.
მანვე სამი შესაძლო მიმართულებაც დაასახელა, თუ სად მოეწყობა ახალი საბაგირო გზა. ესენია: სამგორი - ვაზისუბანი, ახმეტელი - თემქა და სამება - მახათის მთას მიმართულებები.
ამასთან, როგორც კალაძემ განაცხადა, უახლოეს პერიოდში გამოცხადდება ტენდერი, ტექნიკურ-ეკონომიკური კვლევის ჩასატარებლად, რაზეც დაახლოებით 750 ათასი ლარი დაიხარჯება. მისივე თქმით, კვლევას 5 თვე დასჭირდება, რის შემდეგაც სრული სურათი დაიდება, თუ რომელია ზემოთ ჩამოთვლილი 3 მიმართულებიდან ყველაზე საინტერესო პროექტი.
