467,8 მლნ ლარი 3 თვეში - რა შემოსავალს იღებენ ბანკები ფიზიკური პირებისთვის გაცემული სესხების პროცენტებიდან

კომერციული ბანკების საპროცენტო შემოსავლებში დაახლოებით 64% ფიზიკური პირებისგან მიღებულ შემოსავალზე მოდის.

ბანკების ანგარიშგებების მიხედვით, 2019 წლის პირველ კვარტალში ბანკების საპროცენტო შემოსავალმა ჯამში 734 798 300 ლარი შეადგინა, საიდანაც 467 856 550 ლარი ფიზიკური პირებზე მოდის.

ფიზიკური პირებიდან მიღებული საპროცენტო შემოსავლებით პირველ ადგილზეა საქართველოს ბანკი, 2019 წლის პირველ კვარტალში ბანკმა 177,6 მლნ ლარის შემოსავალი მიიღო, შემდეგია თიბისი ბანკი - 155 მლნ ლარით, სამეულშია „ლიბერთი ბანკი“, რომელმაც პირველ კვარტალში ფიზიკური პირებისთვის გაცემული სესხებიდან 51,7 მლნ ლარის შემოსავალი მიიღო.

საპროცენტო შემოსავლები ფიზიკური პირებისთვის გაცემული სესხებიდან - TOP-10 ბანკი

• „საქართველოს ბანკი“ - 177 657 349 ლარი
• „თიბისი ბანკი“ - 155 030 961 ლარი
• „ლიბერთი ბანკი“ - 51 701 241 ლარი
• „კრედო ბანკი“ - 32 272 284 ლარი
• „ვითიბი ბანკი“ - 14 797 659 ლარი
• „ფინკა ბანკი“ – 11 923 831 ლარი
• ტერაბანკი - 8 814 826 ლარი
• ბაზისბანკი - 8 179 219 ლარი
• „პროკრედიტბანკი“ – 2 696 976 ლარი
• „ხალიკ ბანკი საქართველო“ – 2 669 088 ლარი