კახა კალაძე - ჭავჭავაძის გამზირის სარეაბილიტაციო სამუშაოები ძალიან მაგრად მიმდინარეობს
ჭავჭავაძის გამზირის სარეაბილიტაციო სამუშაოები ძალიან მაგრად მიმდინარეობს, - ამის შესახებ ჭავჭავაძის გამზირის დასათვალიერებლად მისულმა თბილისის მერმა კახა კალაძემ ჟურნალისტებთან საუბრისას განაცხადა.
„სამუშაოები საკმაოდ შრომატევადია და 24-საათიან რეჟიმში მიმდინარეობს. მე კიდევ ერთხელ ბოდიში მინდა მოვუხადო აქ მცხოვრებ მოსახლეობას შექმნილი დისკომფორტისთვის, თუმცა როდესაც დამთავრდება სამუშაოები, ჩვენ ყველა ერთად ვიამაყებთ ამ პროექტით", - განაცხადა კახა კალაძემ.
მან ასევე კომენტარი გააკეთა კანდელაკის ქუჩის სარეაბილიტაციო სამუშაოებთან დაკავშირებით და აღნიშნა, რომ სამუშაო პროცესითა და ტემპით კმაყოფილია.
გარდა ამისა, მან ასევე ხაზი გაუსვა ვაშლიჯვრის ესტაკადის სამუშაოებს და აღნიშნა, რომ გარკვეული პრობლემები იყო პროექტთან დაკავშირებით, თუმცა, ეს პრობლემები აღმოფხვრილია და დაახლოებით 10 დღეში სამუშაოები დასრულდება.