მამუკა ბახტაძეს მთავრობის საქმიანობის ყოველწლიური ანგარიშით, სავარაუდოდ, პარლამენტის რიგგარეშე სესიის ფარგლებში მოუსმენენ
პარლამენტის თავმჯდომარის არჩილ თალაკვაძის ინფორმაციით, გამორიცხული არ არის, მამუკა ბახტაძეს მთავრობის საქმიანობის ყოველწლიური ანგარიშით რიგგარეშე სესიის ფარგლებში მოუსმინონ.
მისივე თქმით, ახალი თარიღის განსაზღვრაზე პრემიერთან კონსულტაციები მიმდინარეობს.
პარლამენტს პრემიერ-მინისტრისთვის დღეს უნდა მოესმენა, თუმცა მიმდინარე მოვლენების გამო მოსმენა გადაიდო.
აღსანიშნავია, რომ ამით პარლამენტის რეგლამენტი დაირღვა, რადგან რეგლამენტის თანახმად, პრემიერ-მინისტრი ვალდებულია, პარლამენტს წელიწადში ერთხელ, საგაზაფხულო სესიის პლენარული სხდომების ბოლო თვეში სამთავრობო პროგრამის შესრულების ანგარიში წარუდგინოს.
საგაზაფხულო სესია 28 ივნისს იხურება.