ქართული გარგარი სომხეთიდან იმპორტირებულმა პროდუქტმა ჩაანაცვლა
საქართველოში გარგარის სეზონი უკვე დასრულებულია, რის გამოც ადგილობრივი პროდუქტი სომხეთიდან იმპორტირებულმა ჩაანაცვლა.
როგორც East fruiT წერს, სეტყვამ ქვეყანაში მოსავლის ნაწილი გაანადგურა, გარგარის მოცულობის შემცირებამ კი მოთხოვნა-მიწოდების ბალანსი დაარღვია და საბაზრო ფასზე გავლენა იქონია.
ფერმერი ნიკა გეთიაშვილი, რომელსაც კახეთში (გურჯანის რაიონში) გარგარის ბაღი 3, 5 ჰეტარზე აქვს გაშენებული, პროდუქტის სომხეთიდან იმპორტირებაში განსაკუთრებულს ვერაფერს ხედავს. მისი თქმით, როგორც წესი, ეს მაშინ ხდება, როდესაც ადგილობრივი პროდუქტის სეზონი იწურება. როგორც ფერმერი აღნიშნავს, ქართული გარგარის რეალიზაცია ბაზარზე საშულოდ 3 კვირა გრძელდება, თუმცა წელს რეალაზაციაზე ნეგატიური გავლენა ძლიერმა სეტყვამ იქონია, რომელმაც ნიკა გეთიაშვილს მოსავლის 10-15% გაუნადგურა.
შედარებით დიდი ზარალი მიიღო ფერმერმა ვალერი ტურაშვილმა, რომელმაც გარგარის მოსავლის 30% სეტყვის შედეგად დაკარგა, მოსავლის ნაწილი კი გაფუჭდა და სარეალიზაციო სახე დაკარგა.
მიუხედავად ამისა, წელს ფასი მეტ-ნაკლებად სტაბილური დარჩა და 1 კგ გარგრის ფასმა, საშუალოდ, 1,5 ლარი შეადგინა.
