Apple-ი ახალ „ემოჯის“ გამოუშვებს
Apple ახალ „ემოჯის“ გამოუშვებს - მათ შორის იქნება ეტლით მოსარგებლე, ჯოხის საშუალებით მოსიარულე და სმენის პრობლემების მქონე ადამიანების გამოსახულება.
ახალი ემოციები მომხმარებლისთვის „ემოჯის მსოფლიო დღეს“ იქნება ხელმისაწვდომი. ტექნიკური გიგანტი მიზნად ისახავს შეზღუდული შესაძლებლობების მქონე ადამიანები უფრო მეტად წარმოაჩინოს. „ემოჯის“ ახალი დიზაინი გასულ წელს იქნა შემუშავებული და Apple-ის მომხმარებლებისთვის მიმდინარე წელს იქნება ხელმისაწვდომი.
Apple-ის პრესმდივნის თქმით, მრავალფეროვნების აღნიშვნა, კომპანიის ღირებულებების განუყოფელი ნაწილია.
„ეს ახალი ემოციები მნიშვნელოვან დანაკლისს შეავსებს“- განმარტა პრესმდივანმა.
ახალ დიზაინში ასევე წარმოდგენილი იქნება კანის ფერის მრავალფეროვნება, ასევე დაემატება ისეთი ცხოველები, როგორიცაა ფლამინგო და სკუნსი. ჯამში ახალი ემოციების რაოდენობა 20-ს შეადგენს.
ახალი ემოციების სრული ჩამონათვალი ასე გამოიყურება:
- გამყოლი ძაღლი
- ქალი/მამაკაცი, რომლებიც ჯოხის საშუალებით გადაადგილდებიან
- ქალი/მამაკაცი, რომლებიც მიუთითებენ, რომ ყრუები არიან
- ყური სმენის გასაუმჯობესებელი მოწყობილობით
- ქალი/მამაკაცი ეტლში
- ძაღლი, რომელიც შეზღუდული შესაძლებლობების მქონე ადამიანების დასახმარებლად არის გაწვრთნილი
- ხელის პროთეზი
- ფეხის პროთეზი
- კანის ფერის მრავალფეროვნება ჩაკიდებული ხელის ემოციაში
- მთქნარების ემოცია
- ცხოველები: ზარმაცასებრნი, სკუნსი, ფლამინგო
- საჭმელი: ნიორი, ვაფლი, ფალაფელი, კარაქი, ყინულის კუბი
- ნივთები: პარაშუტი, ფრანი, სათამაშო იო-იო
- ჩასაცმელი: უსაფრთხოების ჟილეტი, საცურაო კოსტუმი
მოამზადა სალომე აბულაშვილმა