კორძაძის საადვოკატო ბიურო ნიუ-იორკში სტრატეგიული პარტნიორით - EK Law Office PLLC-ით იქნება წარმოდგენილი

„კორძაძის საადვოკატო ბიუროს“ გუნდს ადვოკატი ეკატერინე ეგუტია შემოუერთდა. ეკატერინე ეგუტია საქართველოში გამოცდილი, მაღალი რეპუტაციის მქონე იურისტი და ასევე ნიუ-იორკის შტატის ლიცენზირებული ადვოკატია. დამთავრებული აქვს ჰარვარდის სამართლის სკოლა და წლების განმავლობაში ,,თიბისი ბანკის” მთავარ იურისტად მუშაობდა. ეკას მოღვაწეობის სფეროებია სამეწარმეო, სამოქალაქო სამართალი, კონტრაქტები და მსხვილი ტრანზაქციები, ადმინისტრაციული, საბანკო და საფინანსო სამართალი.

„კორძაძის საადვოკატო ბიურო“ ასევე მოხარულია გამცნოთ, რომ EK Law Office PLLC, რომლის დამფუძნებელი ადვოკატიც ეკატერინე ეგუტიაა, ჩვენი კომპანიის სტრატეგიული წარმომადგენელი იქნება აშშ-ში, კერძოდ ნიუ-იორკის შტატში. ეკას გამოცდილება და შესაძლებლობები დიდ წვლილს შეიტანს ჩვენი კომპანიის საქმიანობაში და საშუალებას მოგვცემს კიდევ უფრო უკეთ მოვემსახუროთ კლიენტების საჭიროებებს მსხვილი და კომპლექსური ტრანზაქციების მიმართულებით.

(R)