ცნობილია ბანკების ჩამონათვალი, რომლებიც საკრედიტო-საგარანტიო სქემაში ჩაერთვნენ

საქართველოს საბანკო სექტორი საკრედიტო-საგარანტიო სქემაში ჩაერთო.

კონტრაქტს საკრედიტო - საგარანტიო სქემაში მონაწილეობის შესახებ ხელი დღეს მოეწერა და სქემაში საქართველოს საბანკო სექტორში მოქმედი 12 კომერციული ბანკი ჩაერთო.

„ინტერპრესნიუსი“ იმ ბანკების ჩამონათვალს გთავაზობთ, რომლებშიც დღეიდან მცირე და საშუალო ბიზნესის წარმომადგენლები, საკრედიტო-საგარანტიო სქემის ფარგლებში სესხის მიღებას შეძლებენ. ეს ბანკებია:

1. თიბისი

2. საქართველოს ბანკი

3. ქართუ

4. პროკრედიტი

5. ვითიბი

6. იშ ბანკი

7. ლიბერთი

8. პაშა

9. ტერა

10. ფინკა

11. ხალიკ ბანკი

12. კრედო

ცნობისთვის, საკრედიტო-საგარანტიო სქემა „აწარმოე საქართველოში“ სააგენტოს ქვეშ ამოქმედდება, ის განახორციელებს სქემის ადმინისტრირებას/ოპერირებას. სქემა უზრუნველყოფს მცირე და საშუალო საწარმოებისთვის ბანკში წარსადგენი უზრუნველყოფის 70%-მდე გარანტირებას, რაც მნიშვნელოვნად გაამარტივებს მცირე და საშუალო საწარმოებისთვის ფინანსებზე ხელმისაწვდომობას. 2019 წლის ბიუჯეტში გათვალისწინებულია 20 მლნ ლარი საკრედიტო საგარანტიო სქემის ფარგლებში გაცემული სესხების უზრუნველყოფისთვის.