"მთავრობა 2020 წელსაც აგრძელებს ხალხის ფულის უყაირათო ფლანგვას"
მთავრობა 2020 წელსაც აგრძელებს ხალხის ფულის უყაირათო ფლანგვას,- ამის შესახებ "ევროპული საქართველოს" წევრმა ზურაბ ჭიაბერაშვილმა ჟურნალისტებთან განაცხადა.
მისივე თქმით, ბიუჯეტის ფულის ამგვარ ხარჯვას ქვეყანა სიღარიბემდე მიჰყავს.
„ჩვენ ვნახეთ, რომ მინიმუმ 80 ლარით არის შესაძლებელი პენსიის გაზრდა მაშინ, როცა „ქართული ოცნება" მხოლოდ 20 ლარს იმეტებს. თან არ დაგვავიწყდეს, ფასები იმდენად არის მომატებული, რომ ეს 20 ლარი უკვე შეჭმულია,"- განაცხადა ზურაბ ჭიაბერაშვილმა.
2020 წლის სახელმწიფო ბიუჯეტის პროექტს „ევროპულ საქართველოს" ფრაქციის ფორმატში ფინანსთა მინისტრის მოადგილე გიორგი კაკაურიძე აცნობს.