Reebok-მა სპორტული ფეხსაცმლის გაქირავება დაიწყო
კომპანია Reebok-მა შვედეთის დედაქალაქ სტოკჰოლმში სატესტო რეჟიმში აამოქმედა პროექტი Reebok To Go, რომელიც თავის თავში ითვალისწინებს სპორტული ფეხსაცმლების გაქირავებას. ამის მიზეზი კი გახდა არადამაიმედებელი სტატისტიკა: შვედეთში მხოლოდ 100-დან 2 ადამიანი ცვლის ავტომობილით მგზავრობას ელექტროსკუტერით მგზავრობაზე. ეს კი იმას ნიშნავს, რომ ადამაინებს დიდად არ ხიბლავთ დანიშნულების ადგილამდე ფეხით მისვლა.
იდეის რეალიზებაში კომპანიას დაეხმარა სააგენტო M&C Saatchi. ფეხსაცმლები, რომლებიც ქირავდება, აღჭურვილია QR-კოდებით და GPS-სისტემით. შედეგად ადამიანებს თავისუფლად შუძლიათ იპოვონ მათთვის მორგებული და მათთან ყველაზე ახლოს მყოფი ფეხსაცმელი.
როგორც იდეის ავტორები აცხადებენ, ექსპერიმენტის მიზანია მოქალაქეებს შეახსენონ, თუ რამდენად მნიშვნელოვანია მოძრაობა და ყოველდღიური ფიზიკური დატვირთვა.
