303,2 მლნ ლარი 9 თვეში - Top-6 ბანკი, რომელმაც ვალუტის ყიდვა-გაყიდვიდან ყველაზე მეტი მოგება მიიღო
2019 წლის 9 თვეში კომერციულმა ბანკებმა ვალუტის ყიდვა-გაყიდვიდან 303 220 130 ლარის მოგება მიიღეს. ეს კი 86,5%-ით, 140,6 მლნ ლარით მეტია წინა წლის ანალოგიურ პერიოდთან შედარებით. კომერციული ბანკების ანგარიშგების მიხედვით, მხოლოდ ბოლო სამ თვეში სავალუტო ოპერაციებიდან მიღებული მოგება 164,9 მლნ ლარით გაიზარდა. 2019 წლის 2 კვარტალში 15 ბანკის მოგება 138 260 611 ლაი იყო.
რაც შეეხება 2018 წლის სრულ მონაცემს, შარშან კომერციული ბანკებმა ვალუტის ყიდვა-გაყიდვის ოპერაციებიდან 230 739 497 ლარის მოგება მიიღეს.
კომერციული ბანკების TOP-6 ვალუტის ყიდვა-გაყიდვის ოპერაციებიდან მიღებული მოგებით:
- თიბისი ბანკი - 131 837 827 ლარი
- საქართველოს ბანკი - 107 485 323 ლარი
- ვითიბი ბანკი - 21 252 404 ლარი
- პროკრედიტ ბანკი - 13 901 990 ლარი
- ლიბერთი ბანკი - 13 107 537 ლარი
- ქართუ ბანკი - 4 045 408 ლარი
საანგარიშო პერიოდში ბაზარზე სულ 15 კომერციული ბანკი ოპერირებდა.
