Saudi Aramco ქვეყნის უმსხვილესი გაზის საბადოს დამუშავებას იწყებს
საუდის არაბეთის სანავთობო კომპანია Saudi Aramco ქვეყნის უმსხვილესი ბუნებრივი აირის საბადოს „ჯაფურას“ დამუშავებას იწყებს. როგორც კომპანიის მიერ გავრცელებულ განცხადებაში წერია, აქ 56,6 მილიარდი კუბური მეტრი ბუნებრივი აირის მარაგია.
„Saudi Aramco-ს დირექტორთა საბჭოს თავმჯდომარე იასირ ოტმან ალ რუმაიანი აცხადებს, რომ „ჯაფურას“ დამუშავება გაამყარებს კომპანიის პოზიციებს გლობალური ენერგეტიკის სექტორში და დაეხმარება მას, გახდეს უმსხვილესი კომპლექსური ენერგეტიკისა და ქიმიური კომპანია მსოფლიოში“, - ნათქვამია განცხადებაში, რომელსაც კომპანია ავრცელებს.
პრესრელიზში წერია, რომ Saudi Aramco დამუშავებას 2024 წელს შეუდგება, ხოლო 2036 წლისთვის აქ ბუნებრივი აირის მოპოვება დღიურ 62 მილიონ კუბურ მეტრს მიაღწევს.
