Daimler-ი ევროპის ქარხნების უმეტესობაში წარმოებას აჩერებს
გერმანული ავტოგიგანტი Daimler-ი კორონავირუსის გამო ევროპაში მოქმედი ქარხნების დიდ ნაწილში წარმოებას აჩერებს. ამის შესახებ კომპანიის მიერ გავრცელებულ განცხდებაში წერია.
„COVID-19-ის გავრცელების გამო სიტუაციის გამწვავებიდან გამომდინარე Daimler-მა მიიღო გადაწყვეტილება ორი კვირით შეაჩეროს საავტომობილო წარმოება ევროპის ქარხნების უმეტესობაში, ასევე მართვის გარკევულ სფეროებში“ - ნათქვამია განცხადებაში.
მასში აღნიშნულია, რომ ზომები ამ კვირას შევა ძალაში, თუმცა კონკრეტულად როდიდან, ჯერ არაა ცნობილი.
ევროპაში ქარხნების მუშაობის შეჩერების გადაწყვეტილება მანამდე მიიღეს Volkswagen-მა Ford-მა და უმეტესმა ავტომწარმოებლებმა.
