NASA ვენერაზე სიცოცხლის აღმოჩენისათვის ახალი მისიის დაწყებას გეგმავს.
ორი პროექტი - DAVINCI+ და VERITAS-ი უკვე მოხვდნენ სიაში, რომლებმაც შესაძლოა, 500-მილიონიანი გრანტი მიიღონ. თუმცა საბოლოო გადაწყვეტილებას, თუ რომელი პროექტი შეისწავლის ვენერაზე სიცოცხლის ნიშნებს, 2021 წლის აპრილისთვის გახდება ცნობილი. როგორც Reuters-ი წერს, გამორიცხული არაა, რომ დაფინანსება ორივე პროექტმა მიიღოს.
პლანეტა ვენერაზე სიცოცხლის ნიშნების არსებობის საკითხი მას შემდეგ გააქტიურდა, რაც პლანეტაზე ღრუბლებში, ასტრონომებმა აღმოაჩინეს აირი, სახელად ფოსფინი, რომლის მოლეკულაც ფოსფორის ერთი და წყალბადის სამი ატომისგან შედგება. აღმოჩენა, შესაძლოა, პლანეტაზე ცოცხალი ორგანიზმების არსებობაზე მიუთითებდეს. ამის შესახებ BBC წერს.