დაწესებულებები, რომელსაც შაბათიდან არანაირი შეზღუდვა არ შეეხება
28 ნოემბრიდან ქვეყნის მასშტაბით თითქმის ყველა ობიექტი იხურება.
ამის შესახებ გადაწყვეტილება საკოორდინაციო საბჭომ რამდენიმედღიანი კონსულტაციების შედეგად მიიღო. შეზღუდვები 2 თვეს - 31 იანვრამდე პერიოდს მოიცავს. თუმცა, არის რიგი ობიექტები, რომლებსაც შეზღუდვა არ შეეხება. კერძოდ, პრემიერ- მინისტრის გიორგი გახარიას განცხადებით, ამ პერიოდის განმავლობაში შეზღუდვების გარეშე, ჩვეულ რეჟიმში იმუშავებენ:
- აგრარული ბაზრობები და ბაზრები;
- სურსათის მაღაზიები;
- ზოომაღაზიები;
- ჰიგიენის საშუალების მაღაზიები;
- აფთიაქები;
- ბანკები;
- სილამაზის სალონები;
- ყველა სახის სამრეწველო წარმოებები
- მშენებლობები,
- ყველა სახის სისტემური ორგანიზაციები, როგორიცაა წყლის დენის, გაზის მომარაგება;
- სამედიცინო სექტორი სრულად აგრძელებს მუშაობას;
- ავტოტექმომსახურებისა და ტექნიკური ინსპექტირების სერვისები
თუმცა, გახარიამ ხაზი გაუსვა იმასაც, რომ შეზღუდვების გარეშე საქმიანობა შეეხება მხოლოდ საცალო ვაჭრობას.
