მეორე კვარტალში საქართველოს ეკონომიკა 13.9%-ით გაიზრდება - პარლამენტის საბიუჯეტო ოფისი
პარლამენტის საბიუჯეტო ოფისმა 2021 წლის მეორე კვარტლის ეკონომიკური ზრდის პროგნოზი გამოაქვეყნა.
როგორც დოკუმენტიდან ირკვევა, საბიუჯეტო ოფისი მეორე კვარტალში ეკონომიკის 13.9%-იან ზრდას ვარაუდობს. აღსანიშნავია, რომ თუ მოცემული პროგნოზი გამართლდა, ეს მაჩვენებელი 2019 წელთან შედარებით 1.2%-ით ნაკლები იქნება.
საბიუჯეტო ოფისის პროგნოზი ძირითადად განპირობებულია ქვეყანაში არსებული შეზღუდვების შემსუბუქებითა და მოხსნით. ამასთან, როგორც მოთხოვნის, ისე მიწოდების ზრდით. საბაზისო ეფექტების გარდა, საბიუჯეტო ოფისის პროგნოზს, დამატებით რამდენიმე ფაქტორი განაპირობებს:
- ტურიზმის მოცულობა დაახლოებით 4-ჯერ გაიზრდება (2019 წლის მაჩვენებელთან შედარებით დაახლოებით 4-ჯერ ნაკლები).
- ქვეყანაში მაღალი იქნება შიდა ტურისტული აქტივობა
- გაიზრდება როგორც კერძო, ისე მთავრობის მოხმარება
- მოსალოდნელია კერძო ინვესტიციების ზრდა
- გაიზრდება ქვეყნიდან ექსპორტის მოცულობა
