50 მლნ დოლარის გაყიდული პროდუქცია და თანამშრომლობა Hello Kitty-თან - როგორ გადააქცია 27 წლის გოგომ ხელოვნური წამწამების სტარტაპი წარმატებულ კომპანიად
ორი წლის წინ, ენ მაკფერანი Bumble BFF- ზე 11 გოგონას დაეკონტაქტა და მაკიაჟის გასაკეთებლად, შემდეგ სურათების გადასაღებად ლოს ანჯელესში, Koreatown- ში მიიწვია.
“ბანგკოკის მოქალაქე მაკფერანი არ ეძებდა ახალ მეგობრებს, მას უბრალოდ სურდა მისი პატარა სტარტაპის, ხელოვნური, მაგნიტური წამწამების კომპანიის Glamnetic -თვის უფასო მოდელების ნახვა“, - წერს forbes.
ეს ტიპიური ნაბიჯია მისი კომპანიისთვის, რომელიც ახლა მთელ მსოფლიოში მაგნიტურ წამწამებსა და ხელოვნურ ფრჩხილებს ყიდის. გასულ წელს კი ამ გოგონამ თავისი სტარტაპი Glamnetic- ის წარმოებული 50 მლნ დოლარამდე პროდუქცია გაყიდა.
„ყველა დოლარის დაზოგვა მჭირდებოდა, მაშინაც კი, თუ კომპანია მომგებიანი იქნებოდა”, - ამბობს 27 წლის მაკფერანი.
2019 წლის აგვისტოდან მაკფერანმა გაყიდა 100 000-ზე მეტი პროდუქტი და გუნდი სრულ განაკვეთზე დასაქმებულ 70 თანამშრომლამდე გააფართოვა.
მისი მთავარი ნიშანია დაპატენტებული მაგნიტური ტექნოლოგია: მომხმარებლები იყენებენ Glamnetic- ის მაგნიტურ თვალის ლაინერს, რომელიც წებოს და პინცეტს არ საჭიროებს.
Glamnetic- მა რამდენიმე დღის წინ თანამშრომლობა თავის ყველაზე დიდ პარტნიორთან, Sanrio-სთან დაიწყო. Hello Kitty-ის მშობლიური კომპანია, Sanrio იმედოვნებს, რომ ახალგაზრდა მომხმარებელთა ბაზას გააფართოვებს.
ხელოვნური წამწამების გარდა, კომპანია გაყიდვაში უშვებს ხელოვნურ ფრჩხილებსაც.
Glametic– ის მომხმარებლების უმეტეს ნაწილს ახალგაზრდები წარმოადგენენ. Mintel- ის სილამაზის ანალიტიკოსის, ლორენ გოდსიტის თანახმად, აშშ-ში ხელოვნურ წამწამებს რეგულარულად 18-24 წლის ქალების დაახლოებით 33% ატარებს. მისი ვარაუდით, წამწამების ინდუსტრია 2024 წლისთვის 1,8 მილიარდ დოლარამდე გაიზრდება.
მაკფერანი შვიდი წლის იყო, როდესაც ტაილანდიდან კალიფორნიაში მშობლებთან ერთად გადავიდა საცხოვრებლად. ოჯახს უნდოდა, რომ ის ექიმი გამოსულიყო. ენმა სამედიცინო განათლება UCLA– ში მიიღო.
მაგნიტური წამწამების გაკეთების იდეა მაშინ მოუვიდა, როდესაც 24 წლის იყო. გაკვეთილები YouTube-დან, Coursera-დან და Udemy-დან მიიღო. გაეცნო მიწოდების ჯაჭვის მენეჯმენტს და სტარტაპიც აამუშავა.
2019 წლის ივლისისთვის მას ჰქონდა აუდიტორია 30,000 გამომწერით და გასაყიდი პროდუქტებით სავსე სახლი. თითო წამწამს 34 დოლარად ჰყიდდა, პროდუქცია კი პირდაპირ ბინიდან იგზავნებოდა.
მაკფერანი პირადად აგზავნიდა შეტყობინებებს Instagram- ზე, შემდეგ კი ფარულად სთავაზობდა თითოეულს ინდივიდუალურ ფასდაკლების კოდს, რომლის გაზიარებითაც მეგობრები ფასდაკლებას მიიღებდნენ. პირველ თვეში მან 20,000 დოლარი გამოიმუშავა.
