კომპანია Apple, უკანასკნელი ერთი კვარტალის განმავლობაში განხორციელებული რეკორდული გაყივების შესახებ ინფორმაციას ავრცელებს.
გავრცელებული ინფორმაციით, კომპანიის შემოსავალმა 18 მილიარდი დოლარი შეადგინა. ანალიტიკოსების აზრით, მიზეზი ბაზარზე ახალი iPhone-6-ის გამოსვლა გახდა, რომელიც 2014 წლის უკანასკნელი კვარტალის განმავლობაში 74 მილიონ ეგზემპლიარად გაიყიდა. iPhone-6-ზე განსაკუთრებული მოთხოვნა ჩინეთშია, სადაც გაყიდვები 2013 წელთან შედარებით, 70%-ით გაიზარდა.
ამასთანავე, იკლებს iPad-ის პლანშეტების გაყიდვების რაოდენობა, რომელმაც გასული წლის იმავე პერიოდთან შედარებით, 18%-ით იკლო. გარდა ამისა, კომპანიის აქციებმა სამშაბათის მონაცემებით, 5%-ით მოიმატა. აღსანიშნავია, რომ Apple-ის ახალი პროდუქცია, ”ჭკვიანი საათი” - Apple Watch გაყიდვაში აპრილის თვეში გამოვა.