საფრანგეთმა რუს ოლიგარქს სუპერ-იახტა "Amore Vero" ჩამოართვა
საფრანგეთის ხელისუფლებამ რუსეთის წინააღმდეგ სანქციების ფარგლებში რუს ოლიგარქ იგორ სეჩინის, კუთვნილი, სუპერ-იახტა ჩამოართვა.
რუსეთის ენერგეტიკული კომპანიის "როსნეფტის" უფროსის იგორ სეჩინის იახტა, მარსელთან ახლოს, ფრანგმა მებაჟეებმა დააკავეს.
BBC - ის წერს, რომ ევროკავშირის მიერ სანქცირებული ოლიგარქები „შოკირებულნი არიან“ იმის გამო, რომ მათი საკრედიტო ბარათები აღარ ფუნქციონირებს და ახლა ისინი - სეიფებიდან ნაღდი ფულის გამოყენებაზე გადადიან.
BBC იუწყება, რომ ფრანგებმა სწრაფად იმოქმედეს, როდესაც მებაჟეებმა შენიშნეს რუსი ოლიგარქის სეჩინის 88-მეტრიანი იახტა "Amore Vero" (ნამდვილი სიყვარული).
ასევე გავრცელდა ინფორმაცია, რომ კიდევ ხუთი რუსი ოლიგარქის იახტა მიემართებოდა მალდივისკენ, რომელიც მათთვის უსაფრთხო ადგილად მოიაზრება, რადგან მას არ აქვს ექსტრადიციის ხელშეკრულება შეერთებულ შტატებთან.
