„აი სი არ“ ერთ-ერთი ყველაზე დიდი ორგანიზაციაა საცალო ბიზნესის სფეროში საქართველოში.

კომპანიამ 1993 წელს დაიწყო საქმიანობა ქართულ ბაზარზე და ამჟამად 1000-მდე თანამშრომელი ჰყავს.

„აი სი არ“ წარმოადგენს ფეხსაცმლის, ტანსაცმლის, აქსესუარების, ავეჯის ევროპულ ბრენდებს და კვების ობიექტებს.

• ფეხსაცმელების მიმართულება: „ლაბორატორია ფეხსაცმლის გალერეა“, „სტუდიო ფეხსაცმლის გალერეა“, „ეკკო“, „ჯეოქსი“, „ბატა“, „ბამბინო“, „კორსო იტალია“, „ავ-ლაბი“
• აქსესუარების მიმართულება: „პარფოისი“
• ტანსაცმლის მიმართულება: „ოკაიდი-ობაიბი“, „ჟაკადი“
• ავეჯის მიმართულება: „ლაბორატორია ჩემი სახლი“
• კვების მიმართულება: „ტაბლა სალონი“, „ტაბლა დუქანი“, „კაფე პომოდორისიმო“, „კაფე ლაბორატორია“

სამეწარმეო რეესტრის ბოლო ამონაწერის მიხედვი, ICR-ში 29,73%-ს ბიზნესმენი კახა ხაზარაძე ფლობს. მასთან ერთად კომპანიის მეწილეები არიან სალომე ხაზარაძე (15%), ნათია შარაბიძე (15%), ნინი ანდრიაშვილი (25,27%) და მარიამ ხაზარაძე (15%).