„საქართველოს ბანკი“ 1994 წელს დაფუძნდა და დღეისათვის მისი მომსახურებით 2,5 მილიონზე მეტი ადამიანი სარგებლობს.

ბანკმა 1996 წელს პირველი პლასტიკური ბარათი Georgian Card-ი შექმნა, ხოლო 1998 წელს პირველი ბანკომატი დადგა საქართველოში.

2003 წლისთვის საქართველოს ბანკის მომხმარებლებს უკვე SMS ბანკით სარგებლობაც შეეძლოთ. 2006 წელს კი ბანკმა შექმნა Pay Box -ი, ინტერნეტბანკი - iBank და მობილბანკი - mBank.

ბანკმა პირველი ქართული საკრედიტო ბარათი (Orange Card-ი) 2007 წელს გამოუშვა. ერთი წლის შემდეგ დააარსა ფონდი „სიცოცხლის ხე“.

2012 წელს საქართველოს ბანკი მოხვდა მსოფლიოს 250 უმსხვილეს და წარმატებულ კომპანიას შორის, ხოლო 2017-ში ქვეყნის ისტორიაში პირველად, 500 მილიონი ლარით დენომინირებული ევროობლიგაციები გამოუშვა.

2018 წელს ლონდონის საფონდო ბირჟაზე საქართველოს ბანკის და საქართველოს კაპიტალის აქციები პრემიუმ ლისტინგის სეგმენტში განთავსდა.

საქართველოს ბანკი ფუნქციონირებს 5 მიმართულებით : საცალო საბანკო მომსახურება - მეტი ურთიერთობა მომხმარებელთან; საქართველოს ბანკი ბიზნესი - ბიზნესზე მორგებული მომსახურება; SOLO - პრივილეგირებული საბანკო მომსახურება; Wealth Management - დაგროვილი ქონების მართვა; Fintech - ღია საბანკო მომსახურება.

„საქართველოს ბანკი“ 2020 წლის მდგომარეობით ბაზარზე წარმოდგენილია 206 სერვისცენტრით და 972 ბანკომატით.